अब आशै रहेन

इनेप्लिज २०७१ माघ ८ गते १९:४३ मा प्रकाशित
subhadra 2
टुक्रिएको राष्ट्र भन्दा ,भो चाहिन्न संविधान
जातजाती युद्ध लड्ने ,यस्तो विधान के विधान
थातथलो छोड्नु पर्ने ,ईष्ट मित्र तोड्नु पर्ने
राज्य राज्य टुक्र्याउने चाहिदैन संविधान!

जनता आँफै न्याय दिन्छन् ,पन्चभेला डाकेर
दोसारोपण मात्रै गर्ने ,रैछन् नेता ती तमाम
देश विदेश घुम्दै ठीक भो ,रहुन्जेल समय
एक दिन अघि नाटक गरि ,हानाहान र तानातान!

पानीमाथी ओभानो ,कोही छैन भो अब
चिल्ला कुरा अति भए ,एउटै ड्याडका मुला सब
देशको ढुकुटी रित्याई ,अझै खोज्दछौ सम्मान?
औंठाछाप विद्धन धेरै ,के थाहा हो संविधान ?

जागिर हैन राजनीति ,समाजसेवा सोचेनन्
भित्रभित्रै मिलीजुली ,नियत असल बोकेनन्
आसेपासे र ढोकेले ,ढिकुटी त्यो गरे तमाम
जनता बरा कुर्या कुर्यै ,आउला नि संविधान !

प्रतिक्रिया