मंगलबार, मंसिर ५ २०७४ | Tue, November 21, 2017
नेपालको समय: ०६:५० | Washington DC: 20:05

ला लिगामा बार्सिलोनाको फराकिलो जित

 

 

volontari-gita-montagne-nepal.1200काठमाडौं, २६ माघ । लिओनल मेस्सीको प्रेरणामा बार्सिलोनाले स्पेनिस ला लिगामा एथ्लेटिको बिल्बाओलाई पराजित गरेको छ । आइतबार राति भएको खेलमा बार्सिलोनाले बिल्बाओलाई ५–२ गोल अन्तरले पराजित गरेको हो ।

जितसँगै उनले लिग लिडर रियल मड्रिडसँगको अंक दुरी एकमा झारेको छ । मड्रिड डर्बीमा एथ्लेटिकोले रियललाई हराएपछि बार्सिलोनाले अंक दुरी छोट्याउने मौका पाएको थियो ।एथ्लेटिकोको घरेलु मैदानमा भएको खेलमा बार्सिलोनाले १५ औं मिनेटमा मेस्सीको गोलबाट अग्रता थियो । उनले फ्रिकिक गोल गरेका थिए ।

खेलको २६ औं मिनेटमा मेस्सीको पासमा लुइस स्वरेजले गोल गर्दै अग्रता दोब्बर पारे । मेस्सीसँगको वान टु वान पासमा उनले डि बक्स एरिया बाहिरबाट उत्कृष्ट गोल गरेका हुन् । दोस्रो हाफको ५९ औं मिनेटमा मिकेल रिकोले गोल गर्दै बिल्बाओलाई खेलमा फर्काउने संकेत दिए ।

तर, तीन मिनेटपछि नै मार्कोसले आत्माघाती गोल गरेपछि बार्सिलोना ३–१ ले अगाडि रह्यो । स्वरेजको पासमा मेस्सीले गोललाइन नजिकै रहेको नेयमारलाई दिएको पास क्लियर गर्न खोज्दा मार्कोसले आफ्नै पोष्टमा गोल गर्न पुगे ।

६४ औं मिनेटमा मेस्सीकै पासमा नेयमारले गोल गरे । दुई मिनेटपछि बिल्बाओका एड्युरिजले गोल गर्दै बार्सिलोनाको अग्रता ४–२ मा झारे । तर, ८६ औं मिनेटमा पेड्रोले गोल गर्दै बार्सिलोनालाई ५–२ गोल अन्तरको जित दिलाए । जितपछि बार्सिलोनाको २२ खेलबाट ५३ अंक भएको छ भने लिग लिडर रियल मड्रिडको ५४ अंक छ । तेस्रो स्थानमा रहेको डिफेण्डिङ च्याम्पियन एथ्लेटिको मड्रिडको ५० अंक छ ।

२०७१ माघ २६ गते १४:३७ मा प्रकाशित

यसमा तपाईको प्रतिक्रिया




फेसबुकमा हामी