शनिबार, मंसिर ९ २०७४ | Sat, November 25, 2017
नेपालको समय: ०५:३९ | Washington DC: 18:54

विराट गोल्डकप माघ २९ देखि

birat-goldcupविराटनगर, २७ माघ । सर्वाधिक राशि रु पाँच लाख पुरस्कार भएको विराट गोल्डकप फुटबल प्रतियोगिता यही माघ २९ देखि फागुन ९ गतेसम्म विराटनगरको सहिद रङ्गशालामा हुने भएको छ ।

प्रतियोगितामा नेपाल तथा भारतका १० ‘ए’ डिभिजन क्लबको सहभागिता रहने यहाँ आज आयोजित पत्रकार सम्मेलनमा आयोजक समितिका संयोजक राजेन्द्र राउतले जानकारी गराउनुभयो । प्रतियोगितामा नेपालका त्रिभुवन आर्मी क्लब, नेपाल पुलिस क्लब, एपिएफ टिम, मनाङ मस्र्याङ्दी क्लब, थ्रीस्टार क्लब, मोरङ फुटबल क्लब, झापा ११, जगदम्बा लुम्बिनी फुटबल क्लब रुपन्देही तथा भारतबाट युनाइटेड सिक्किम फुटबल र क्लब जर्ज टेलिग्राफ कोलकोता छन् ।

प्रतियोगिताको विजेताका लागि रु पाँच लाख एक हजार र उपविजेताका लागि रु तीन लाख एक हजार पुरस्कार व्यवस्था गरिएको छ । विसं २०१८ देखि महेन्द्र गोल्डकपका रुपमा सञ्चालन हुँदै आएको सो प्रतियोगिता २०६७ सालदेखि विराट गोल्डकपका नाममा सञ्चालन भइरहेको छ ।

२०७१ माघ २७ गते १५:५२ मा प्रकाशित

यसमा तपाईको प्रतिक्रिया




फेसबुकमा हामी