उठेको जमीन अलिमाथि देख्छु, मेरै पहाड़ भन्छु म
बन र फाट समथर हिडछु, तराई ठानछु म
राती ठीटी मुसुक्क हास्छीन, हिमालकी डोल्माँ भन्छु म
चिटीक्क बांनकी साहिली जस्ती, गालामा खाल्डो देखछु म ।
जहाँ को खुलोस मधुर कंठ, लोकगीत ठान्छु म
टिलिक्क पाईन हतियार सबै, खुकुरी ठानछु म
झिलिक्क बल्ने बत्ती यी सधै, तिहार ठानछु म
आकाश सबै ती चन्द्र सूर्य ती मेरै भन्छु म ।
यत्र तत्र तलाउ देख्छु, पोखरा ठान्छु म
तल झरेका, बादल का घेरा, हिमाल ठानछु म
किरिमिरी गर्ने ती चरी हेर्दा, डांफे-मुनाल देखछु म
गाऊने सबै भाकाका गीतमा, मुना-मदन सुन्छु म ।
जसले सुनावोस बेदनाका का गाथा, नेपालको भन्छु म
कटक्क मन, झिपिक्क आखा, नेपाललै पुग्छु म
पलेटी कसी, आंखा चिम्ली बस्ने, बुद्ध नै ठानछु म
टोरोंटो भरी जहाँ र तहा, नेपाली देख्छु म
संसारै डुलदा नेपालै नेपाल, आबाद देक्छु म
प्रतिक्रिया