मंगलबार, मंसिर ५ २०७४ | Tue, November 21, 2017
नेपालको समय: १०:०२ | Washington DC: 23:17

टेक्ससमा भएको दोश्रो न्याक सम्मेलनको भकुण्डो प्रतियोगितामा डिसीएफसी बिजयी ,६ लाख बराबरको नगद तथा पदक प्राप्त

विजय थापा

अमेरिकाको टेक्सस राज्यको ड्यालसमा सम्पन्न दोश्रो नेप्लीज अमेरिकन कन्भेन्सन (सम्मेलन)मा भएको भकुण्डो प्रतियोगितामा डिसीएफसी बिजयी भएको छ l डिसीएफसीले बाल्टिमोर भकुण्डो टोलिलाई अन्तिम खेल(फाइनल )मा हराई युएस $ ६ हजार डलर (६ लाख नेपाली रुपैया बराबर )को नगद तथा पदक/पुरस्कार प्राप्त गरेको छ l

अमेरिकाको नेपाली समुदाय कै अहिले सम्म कै खेल मध्ये कै सर्बाधिक ठुलो धनराशीको प्रतियोगिताको पुरस्कार डिसीएफसीले हासिल गरेको छ l गत जुलाई २ तारिख अमेरिकाको पूर्वीय समय अनुसार २ बजे खेलिएको खेलमा डिसी क्षेत्र को नेपाली समुदायको चर्चित भकुण्डो टोलि डिसी फुटबल क्लबले बाल्टिमोर भकुण्डो टोलीलाई २-१ ले पराजित गर्दै दोश्रो नेप्लीज अमेरिकन सम्मेलन को भकुण्डो प्रतियोगितामा प्रथम स्थान हासिल गरेका छन् l

अन्तिम खेलमा डिसीएफसीका लोप्साङ्ग तेन्जिन ले दुई गोल गरे भने उनि नै प्रतियोगिताको उत्कृष्ठ खेलाडी घोषित भए l डिसीएफसी का टोलि प्रमुख (कप्तान )बिज्ञान श्रेष्ठको नेतृत्वमा गएको सशक्त भकुण्डो टोलीले उत्कृष्ट खेल प्रदर्शन गरेको थियो भने झन्डै ११ बर्ष पछि महत्वपूर्ण प्रतियोगितामा डिसीएफसी बिजयी भएको हो l

डिसीएफसीले युवा होनहार खेलाडी रिजन खत्रीलाई बिशेष धन्यबाद दिएको छ l खत्री बिगतमा डिसी क्षेत्रमा बसेता पनि बसाई सराई गरि अन्य राज्यमा गइ हाल अमेरिकन सेनामा संलग्न रहेता पनि प्रतियोगिताको लागि डिसीएफसीको तर्फ बाट सहभागी भएका थिए l

गत जुन ३० देखि जुलाई २ सम्म सम्पन्न भएको प्लीज अमेरिकन सम्मेलनमा अमेरिकाका विभिन्न राज्यहरु बाट १२ वटा खेलकुद टोलीहरु सहभागी भएका थिए यसै गरि बास्केट बलमा ८ वटा टोलि ,भलिवल ५ वटा टोलि ,क्रिकेट ४ वटा टोलि तथा महिला तथा बालबालिकाका भलिवल र बास्केट बल खेल पनि संलग्न रहेको थियो l

 

२०७४ असार २० गते २:५० मा प्रकाशित

यसमा तपाईको प्रतिक्रिया




फेसबुकमा हामी