शुक्रबार, असोज ५ २०७५ | Fri, September 21, 2018
नेपालको समय: १५:०८ | Washington DC: 05:23

चर्च आक्रमणको अमेरिकी राष्ट्रपतिद्वारा निन्दा

वासिङटन, १५ पुस (रासस/सिन्ह्वा) :इजिप्टको राजधानी कायरोको बाहिरी इलाकामा अवस्थिात एक चर्चमा भएको भीषण आक्रमणको अमेरिकी राष्ट्रपति डोनाल्ड ट्रम्पले शुक्रबार निन्दा गर्नु भएको छ ।

इजिप्टका राष्ट्रपति अब्दुल फताह अल सिसीसँग ट्रम्पले गर्नु भएको टेलिफोन वार्तामा उहाँले इजिप्टका जनतालाई समवेदना व्यक्त गर्नु भएको र अमेरिकाले आतङ्कबादविरुद्धको लडाईका साथ दिने प्रतिवद्धता समेत प्रकट गर्नु भएको ह्वाइट हाउसद्वारा प्रकाशित विज्ञप्तिमा जनाइएको छ ।

ः कायरोको दक्षिणी क्षेत्रमा रहेको एउटा चर्च अगाडि एक बन्दूकधारी समूहले गरेको आक्रमणमा परी कम्तीमा दश व्यक्तिको मृत्यु भएको थियो ।

कायरोको हेल्वान जिल्लामा रहेको मार मिना चर्चमा आक्रमण भएको यस आक्रमणमा परी एक प्रहरी अधिकारी, एक आतङ्ककारी र आठ क्रिस्चियनको मृत्यु भएको इजिप्टको स्वास्थ्य मन्त्रालयद्वारा जारी विज्ञप्तिमा जनाइएको छ ।

इजिप्टका स्वास्थ्य मन्त्रीले मृत्यु हुनेहरूको सङ्ख्या दश पुगेको बताउनुभएको छ । उहाँले अरू पाँच जना घाइते भएका र तीमध्ये दुई जनाको अवस्था गम्भीर रहेको थप जानकारी दिनु भएको छ ।

चर्चलाई नै लक्षित गरेर विस्फोटन गर्न लागिएको दुई वटा डिस्पोजल टोलीले निश्क्रिय बनाएको पनि समाचारमा उल्लेख गरिएको छ ।

मार मिना चर्चमा अर्को हप्ता हुने नयाँ बर्षको उपक्षय हुने कार्यक्रमको तयारी लागेका क्रिस्चियन समूदायलक्षित आक्रमण भएको थियो । यस आक्रमणको हालसम्म कुनै पनि समूहले जिम्मेवारी लिएको छैन ।

२०७४ पुष १५ गते १६:१९ मा प्रकाशित

यसमा तपाईको प्रतिक्रिया




फेसबुकमा हामी