शनिबार, जेठ १२ २०७५ | Sat, May 26, 2018
नेपालको समय: ०३:५९ | Washington DC: 18:14

रियाल मड्रिड विजयी भएपछि प्रशिक्षक जिदानले भनेः ‘रियालको खराब समय सकियो’

काठमाडौं, माघ ५ । स्पेनिस कोपा डेल रे फुटबलमा रियाल मड्रिडले लेगानेजालाई १-० ले हराएको छ ।पछिल्लो समय खराब लयबाट गुज्रिरहेको रियाल मड्रिडले गएराती कोपा डेल रे फुटबल क्वाटरफाईनल पहिलो लेगको खेलमा लेगानेजलाई उसैको मैदानमा हराएको हो ।

खेलमा रियाल मड्रिडलाई विजयी गराउन मार्को एसेन्सियोले खेल सकिन एक मिनेट मात्रै बाँकी छँदा निर्णायक गोल गरे ।

जितपछि रियाल मड्रिडका प्रशिक्षक जिनेदिन जिदानले यो जित जारी सिजनको लागि टर्निङ प्वाईन्ट हुने बताए ।

रियालको खराब समय सकिएको जिकीर उनको छ । रियाल मड्रिड र लेगानेजविचको क्वाटरफाईनल दोस्रो लेगको खेल जनवरी २५ तारिखमा रियाल मड्रिडको मैदानमा हुनेछ ।

क्वाटरफाईनल पहिलो लेगका अन्य खेलमा बार्सिलोना र ईस्पानियोल, सेभिया र एथ्लेटिको मड्रिड तथा भ्यालेन्सिया र आलाभेज भिड्दैछन् ।

२०७४ माघ ५ गते १०:२३ मा प्रकाशित

यसमा तपाईको प्रतिक्रिया




फेसबुकमा हामी