शनिबार, जेठ १२ २०७५ | Sat, May 26, 2018
नेपालको समय: ०४:०७ | Washington DC: 18:22

भर्जिनियामा नेपाली समुदायलाई साईबर अपराध र सुरक्षा सम्बन्धी प्रशिक्षण

 

भर्जिनिया अमेरिका (जनवरी २८, २०१८) – ग्लोबल नेपाल टेलिभिजन  भर्जिनियाको आयोजनामा साईबर सेक्युरिटी ईन्टरन्यासनलद्वारा नेपाली समुदायलाई साईबर अपराध र सुरक्षा सम्बन्धी १ दिने प्रशिक्षण प्रदान गरिएको छ । ग्लोबल नेपाल टेलिभिजनकी संञ्चालिका शृजना उप्रेती र संञ्चालक राजेन्द्र खनालको प्रयासमा उक्त कार्यक्रमको आयोजना गरिएको थियो । कार्यक्रममा नेपाली समुदायबाट करिब ३० जनाको सहभागिता रहेको थियो ।

फोन, सामाजिक संञ्जाल, कम्पुटर, ईन्टरनेट, ईमेलहरुलाई कसरि सुरक्षित तरिकाले प्रयोग गर्न सकिन्छ भन्ने बिषयमा प्रशिक्षक प्रो. डा. रामहरि सुबेदीले सहभागिहरुलाई प्रयोगात्मक तालिम प्रदान गरेका थिए ।
अन्तमा सहभागिहरुले तालिम अत्यन्त प्रभाकारी रहेको प्रतिकृया ब्यक्त गरेका थिए। उपस्थित सहभागिहरुको प्रतिक्रिया भिडियो मार्फत प्रकासित गरिएको छ ।
27479994_10155955745121000_1291397271_o.jpg

सन २०१५ देखि साईबर सेक्युरिटी ईन्टरन्यासनलले साईबर अपराध र सुरक्षा सम्बन्धी नेपालका २०० भन्दा बढि प्रशिक्षणहरु संञ्चालन गरि सकेको छ भने उक्त कार्यक्रमबाट करिब २५,००० (पच्चिस हजार) भन्दा बढि सहभागिहरु लाभान्वित भैसकेका छन । नेपालमा मात्र नभै क्यानडा र अमेरिकाको बिभिन्न राज्यहरुमा पनि यो कार्यक्रम संञ्चालन गरिएको छ ।

यस संस्थाका संस्थापक हाल अमेरिकाको भर्जिनिया निबासी प्रोफेसर डा. रामहरि सुबेदी हुनुहुन्छ । डा. सुबेदीले अबिकसित देशमा साईबर अपराध र सुरक्षाको बिषयमा अमेरिकाको बिश्वबिद्यालयबाट बिद्याबारिधी प्राप्त गर्नु भएको हो । डा. सुबेदी प्रबासमा बस्ने लोकप्रिय अनलाईन पत्रिका डिसीनेपाल डटकमको संस्थापक हुन हुनु हुन्छ ।

नेपाल प्रहरी केन्द्रिय अनुसन्धान ब्युरोले डा. सुबेदीलाई साईबर सुरक्षा सल्लाहकारको रुपमा नियुक्ती पनि गरेको छ । अमेरिकाको भर्जिनिया राज्यमा मुख्यालय रहेको यस संस्थाको नेपालमा काठमाण्डौं, चितवन, तनहुँ र झापा जिल्लामा उपसाखाहरु पनि रहेका छन ।

२०७४ माघ १५ गते १:०४ मा प्रकाशित

यसमा तपाईको प्रतिक्रिया




फेसबुकमा हामी