बिहीबार, असार ७ २०७५ | Thu, June 21, 2018
नेपालको समय: २०:१२ | Washington DC: 10:27

विमान दुर्घटनापछि बन्द भएको त्रिभुवन अन्तर्राष्ट्रिय विमानस्थल खुल्यो

२८ फागुन, काठमाडाैं । यूएस बंगलादेश एयरलाइन्स दुर्घटनाका कारण आज बन्द भएको त्रिभुवन अन्तर्राष्ट्रिय विमानस्थल खुलेको छ ।

आज अपराह्न १४.१८ बजेदेखि बन्द भएको विमानस्थल १६.५० देखि खुलेको हो नेपाल नागरिक उड्डयन प्राधिकरणका उपमहानिर्देशक राजन पोखरेलले बताए ।

 

काठमाडौँमा अवतरणका तयारीमा रहेका विमानलाई लखनौ र ढाकातर्फ पठाइएको थियो । विमानस्थल खुलेपछि ती विमान काठमाडौँमा अवतरण हुनेछन् । ढाकाबाट काठमाडौँ आउँदै आएको बिएस २११ ‘कल साइन’ भएको उक्त विमानमा चालक दलका चार सदस्यसहित ७१ यात्रु सवार थिए ।

दुर्घटनामा ४९ जनाको मृत्यु भएको छ भने २१ घाइते भएका छन् । एक जनाको मृत्यु भएको छ ।

यसैबीच प्रधानमन्त्री केपी शर्मा ओली र गृहमन्त्री रामबहादुर थापा  केएमसी अस्पताल सिनामङ्गल पुगी विमान दुर्घटनामा परी घाइते भएका यात्रुको अवस्थाका बारेमा जानकारी लिएका छन् ।

प्रधानमन्त्री ओलीले घाइतेको उपचारमा कुनै पनि कसर बाँकी नराख्न अस्पताल प्रशासनलाई निर्देशन दिएका छन् ।

२०७४ फागुन २८ गते १३:०७ मा प्रकाशित

यसमा तपाईको प्रतिक्रिया




फेसबुकमा हामी