बिहीबार, असार ७ २०७५ | Thu, June 21, 2018
नेपालको समय: २०:११ | Washington DC: 10:26

मन्त्रिपरिषदले चाँडै पूर्णता पाउँछ : प्रधानमन्त्री

काठमाडौं, फागुन २९ । प्रधानमन्त्री केपी शर्मा ओलीले मन्त्रिपरिषदले चाँडै पूर्णता पाउने बताएका छन् ।

राष्ट्रपति पदको निर्वाचनमा मतदान गरेपछि अन्तर्राष्ट्रिय सम्मेलन केन्द्रमा पत्रकारसँगको कुराकानीमा उनले सम्बन्धित दलहरुसँग छलफल चलिरहेको र चाँडै सरकारले पूर्णता पाउने बताए ।

प्रधानमन्त्री ओलीले विभिन्न चरणका निर्वाचन सम्पन्न भएपनि संक्रमणकालका केही विकृत प्रवृत्ति कायम रहेकाले सुशासन र समृद्धिको दिशामा अघि बढ्न केही चुनौती भएपनि संघीय लोकतान्त्रिक गणतन्त्रलाई सुदृढ र संस्थागत बनाउन आफूहरु प्रयत्नशील रहने बताए ।

संविधान र कानुनबमोजिम संवैधानिक अंगहरुलाई निष्पक्ष र विवादरहित बनाउनुपर्ने भएकाले कतिपय अवस्थामा विभाजित बनाउने प्रवृत्ति पनि निरुत्साहित गर्नुपर्नेमा उनले जोड दिए । रासस

२०७४ फागुन २९ गते ११:३९ मा प्रकाशित

यसमा तपाईको प्रतिक्रिया




फेसबुकमा हामी