आइतबार, असोज ७ २०७५ | Sun, September 23, 2018
नेपालको समय: ००:२५ | Washington DC: 14:40

नेपाली नयाँ बर्षमा टेक्ससको एचडीएनपीले घरवार बिहिनलाई त्रैमासिक खाना खुवायो

 

विजय थापा ,अप्रिल १४ ,एचडीएनपी इन्टरनेसनलले अमेरिकाको टेक्सस राज्यको ड्यालस वरपर घरबार बिहिनलाई त्रैमासिक रुपमा खुवाउदै आएको खाना सफलता पूर्वक खुवाई कार्यक्रम सम्पन्न गरेको छ ।

 

एचडीएनपी इन्टरनेसनलका संस्थापक देवी आचार्यले जानकारी दिए अनुसार करिव ४ सय ७५ भन्दा ज्यादा लाई खाना खुवाएको जनाएका छन् । आचार्य नेपाल गएको समयमा पशुपतिमा भिक्षा माग्ने जोगी ,असहाय ,घरबार बिहिन ,दुखिलाई शिव रात्रिको अवसरमा खाधान्न वितरण गरेका थिए ।

हरेक महिनामा नेपालको पशुपतिनाथमा घरवार बिहिन तथा आफ्ना सन्तानबाट तिरस्कृत भएका बृद्धहरुलाई बिशेष सहयोग प्रदान गर्दै आएको छ ।


टेक्सास राज्यको ड्यालसमा स्थापना भएको एचडीएनपी इन्टरनेसनलले स्थापना काल देखि नै घरबाहर बिहिन मानिसहरुलाई त्रैमासिक रुपमा खाना खुवाउदै आएको लाई निरन्तरता दिएको छ ।

टेक्ससको फोर्ट वर्थ को युनिटी पार्कमा उक्त खाना खुवाइएको हो । उक्त कार्यक्रममा अफ्रिकन अमेरिकन ,नेपाली ,अमेरिकन ,फिलिपिन्स ,भारतीय मूलका ले स्वयम् सेवकको रुपमा सहयोग गरेका थिए ।

 

खाना खुवाउने अतिरिक्त संस्थाले त्रैमासिक रुपमा रक्तदान को आयोजना गर्दछ । संस्थाले समाज सेवा को साथै उनीहरुको लागि स्वास्थ्य ,शिक्षा र जिविको पार्जन गर्ने देखि लिएर उनीहरुलाई सशक्तिकरण गर्ने काम पनि गरि रहेको छ ।

हेल्प फर डेस्पेरेट एण्ड निड़ी पिपुल अन्तर्राष्ट्रिय (एचडीएनपी इन्टरनेसनल ) अमेरिकी सरकारको मुनाफा रहित सामाजिक संस्थामा दर्ता भएको छ ।

२०७५ वैशाख २ गते ११:०६ मा प्रकाशित

यसमा तपाईको प्रतिक्रिया




फेसबुकमा हामी