शुक्रबार, वैशाख ७ २०७५ | Fri, April 20, 2018
नेपालको समय: ०९:०२ | Washington DC: 23:17

आमा- पीताम्बर पाण्डेय


आमा तिमी ममताकी नदी हौ,
मातृप्रेमकी बिशाल सागर हौ,
अनि दया र करुणाकी महासागर हौ
सन्तानको निम्ति आफुलाई केही नराख्ने
यो दुनियाँकी एक भगवान हौ।

म सानो थिए, तिमी ठुली
तर मेरो कचौरामा भन्दा तिम्रो कचौरामा
सधैं दुध किन थोरै हुन्थ्यो,
म कहिल्यै बुझ्थिन।
आमा तिम्रो माया कती अपार छ!

अरुको अघि गल्ती गर्दा पीट्थ्यौ
म धुरु-धुरु रुन्थे,
तर तिम्रो आँखामा आँशु किन आउँथ्यो
म बुझ्न सक्थिन,
आमा तिम्रो मातृस्नेह कती गहन छ।

म जति नै घोत्लिएर सोचुँ,
अनि मनोबेगले जती नै रफ्तार लिगोस्,
तिमो मातृप्रेमको हिसाब नाप्न सक्दैन,
म जती सुकै पढुँ, तर
तिम्रो बयान गर्ने सबै शब्द नै पाउंँदिन।

म रिसाइ बसे तिमी बोलाई रहन्थ्यौ,
म बोली रहे तिमी सुनी रहन्थ्यौ,
मेरो आँखामा आँशु देखे तिमी रुन्थ्यौ,
म खुशीले पागल हुँदा पनि तिमी रुन्थ्यौ,
म कसरी बुझुँ कि आमा तिमी को हौ!

उपमा र तुलना म तिमीलाई,
पृथ्वी सँग मात्र हैन आमा
पुरा ब्रम्हाण्ड सँग गर्दछु,
तर कुन शब्दले बयान गरुँ
कि तिमो को हौ?
आमा तिमी को हौ?

(मातृ-औँशीको सबै जनालाई शुभकामना, सम्पूर्ण माताहरुलाई हृदयभावले प्रणाम!)

– पीताम्बर पाण्डेय

२०७५ वैशाख ३ गते १४:०६ मा प्रकाशित
3 Comments on “आमा- पीताम्बर पाण्डेय”
  • Janak wrote on 16 April, 2018, 15:33

    ekdam ramro lagyo hajur ko yo kabita. Aune din haru ma pani yestai ramro ramro dherai kabita, lekh haru lekhnu hola.

  • Janak wrote on 16 April, 2018, 15:36

    Namaskar Kabi ji,
    Hajur ko kabita le mero man atyantai choyo. Uttam kabita. Tapai haru jastai yuwa kabi haru lai lekhne jagar lagos, samaye milos, lekh ko kadar hos bhanne subhakamana dina chahanchu, aune din haru ma pani yestai ramro ramro lekh haru padna paiyos.

  • Sita lama wrote on 17 April, 2018, 16:19

    धेरै राम्रो कविता 💔

यसमा तपाईको प्रतिक्रिया




फेसबुकमा हामी