मंगलबार, साउन २९ २०७५ | Tue, August 14, 2018
नेपालको समय: २१:२६ | Washington DC: 11:41

एनआरएन नागरिकता ऐन प्रष्ट बनाउन एनआरएन अगुवाहरुको माग

न्यूयोर्क, एनआरएनहरुलाई दिईने गैर आवासिय नेपाली नागरिकताका बारेमा ऐन प्रष्ट नभएकोमा एनआरएनका अगुवाहरुले प्रष्ट बनाउन सरकारसंग माग गरेका छन् । सरकारले संसदमा दर्ता गराएको नागरिकता सम्बन्धी ऐनमा गैह् आवासीय नेपालीहरूले सम्बन्धीत देशको नागरिकता लिंदा नेपालका नागरिकता त्यागेको प्रमाण पेश गरेपछि मात्र नेपाली नागरिकता दिईने भन्ने बुंदा अस्पष्ट भएको बताएका छन् ।

बुंदा नम्बर ५को “२ ख मा रहेको सम्बन्धित ब्यक्तीले साविकमा नेपालको नागरिकता लिई परित्याग गरेकोमा प्रमाण” भन्नाले अमेरिका लगायतका देशको नागरिकता प्राप्त गर्दा नेपाली नागरिकता त्यागेको प्रमाण दिन नपर्ने हुंदा त्यस्तो कुनै प्रमाण माग्दा अप्ठ्यारो हुने अगुवाहरुको बुझाई छ । नागरिता अभियानमा लामो समयदेखि सकृय बरिष्ठ अधिवक्ता समेत रहेका खग्रेन्द्र क्षेत्रीले यस ऐनबाट अमेरिकामा रहेका नेपालीहरुलाई एनआरएन नागरिकता प्राप्त गर्न कठिन हुने देखिएको भन्दै असन्तुष्टि ब्यक्त गरेका छन् ।

यो ऐन संसदमा रहेकोले यसलाई सच्याउन क्षेत्रीले माग गरेका छन् । सरकारले ल्याएको वर्तमान बिधेयक र मस्यौदाले अमेरिका, क्यानडा वस्ने नेपालीहरू जसले अमेरिका र क्यानडाको नागरिकता लिएका छन् उनिहरू नेपाली नागरिकता पाउन बाट बन्चित हुने देखिएको क्षेत्रीको बुझाई छ । एनआरएन अमेरिकाका पुर्व अध्यक्ष रहेका क्षेत्रीले केहि समय अगाडि नेपाल भ्रमणमा रहेको बेला परराष्ट्र मन्त्री, कानुन मन्त्री लगायतसंग भेटेर आफ्नो भनाई राखेका थिए ।

एनआएन अमेरिका क्षेत्रका आरसी गौरीराज जोशीले पनि यस बुंदालाई प्रस्ट बनाउंदा सबैमा सहज हुने बताएका छन् । आरसी जोशीका अनुसार एनआरएनहरु सदैव नेपालको हितमा लागिरहने भएको हुंदा सरकारले पनि उनिहरुलाई सहज हुने गरि ऐन बनाउन माग गरेका छन् । अमेरिका लगायतका कतिपय देशका नागरिकता लिंदा पुरानो नागरिकता भएको देशको नागरिकता खारेज गरेको प्रमाण दिन नपर्ने हुंदा यसलाई सहज बनाईदिन सम्बन्धीत सबैमा आग्रह गरेका छन् ।

यसैबिच, प्रमुख प्रतिपक्ष दल नेपाली कांग्रेसको आमन्त्रीत केन्द्रिय सदस्य समेत रहेका जनसम्पर्क समिति अमेरिकाका सभापति आनन्द बिष्टले पनि यो ऐनबाट अमेरिका, क्यानडा लगायतका मुलुकमा बस्ने नेपालीहरुका लागि घुमाउरो पाराबाट दुख दिन खोजे जस्तो देखिएकोले थप स्पस्ट र सहज बनाउन आफ्नो पहल रहने बताएका छन् । बिष्टले आफ्नो स्थानबाट पार्टि नेता र सांसदहरुसंग हरुसंग यस बिषयमा कुरा राख्ने बताएका छन् ।

प्रवासी नेपाली मञ्च अमेरिकाका महासचिव राधाकृष्ण देउजाले बिदेशमा रहेका नेपालीहरुको हितका लागि नै यस प्रकारको नागरिकता प्रदान गर्न लागेकोले सरकार र संसदले थप सहज बनाउने आफुले अपेक्षा गरेको बताएका छन् । देउजाका अनुसार नेपालीरु संसारका अधिकांश देशमा बसोबास गरिरहेको हुंदा सबै नेपालीहरुको हित ध्यानमा राखेर ऐन बनाउन आफुहरुको पनि पहल रहने प्रष्ट पारेका छन् ।

२०७५ साउन २५ गते ०:४० मा प्रकाशित

यसमा तपाईको प्रतिक्रिया




फेसबुकमा हामी