गत महिना १.३ बिलियन डलरको अमेरिकी पावरबल नामक चिट्ठा लाओसबाट आएका व्यक्तिले जितेको खुलासा गरिएको छ । सिबिएसन्यूजका अनुसार उनि ८ वर्षदेखि अर्बुद( क्यान्सर)को उपचार गराई रहेका एक आप्रवासी भएको जनाएको छ ।

अर्थात् चिट्ठा व्यवस्थापनले उनको नाम खुलासाको साथै तस्बिर सहित सार्वजनिक गरेको छ । अमेरिकाको ओरेगन राज्यमा गत महिना १. ३ बिलियन डलर पावरबल चिट्ठा कसैले जितेको घोषणा गरिएको थियो ।

विजयी पावरबल टिकट गत अप्रिलको सुरुमा पोर्टल्याण्डको प्लेड प्यान्ट्री सुविधा पसलले बेचेको थियो। ओरेगन चिट्ठा अधिकारीहरूका अनुसार सोमबार पोर्टल्याण्डमा बसोबास गर्ने लाओसमा जन्मेका आप्रवासी ४६ वर्षीय चेंग सेफन बिजेता भएको जनाएका छन् ।

समाचारका अनुसार गत हप्ता उनको पछिल्लो अर्बुद (क्यान्सर)को केमोथेरापी( उपचार )गरेका थिए। म चिठ्ठाको लागि कृतज्ञ छु र मैले सबैको आशीर्वाद पाए ” सेफनले सोमबार पत्रकार सम्मेलनमा पत्रकारहरूलाई भने । म मेरो परिवार र मेरो स्वास्थ्यको लागि प्रबन्ध गर्न सक्षम छु। … मेरो जीवन परिवर्तन भएको छ। अब म मेरो परिवारलाई आशीर्वाद दिन सक्छु र आफ्नो लागि राम्रो चिकित्सक नियुक्त गर्न सक्छु।” उनले भने ।

उनले २० वटा भन्दा बढी टिकटहरू किनेका थिए।

“मैले मलाई मद्दत गर्न भगवानसँग प्रार्थना गरे,” उनले भने। “मेरा बच्चाहरू युवाछन् र म त्यति स्वस्थ छैन।”

अधिकारीहरूले सेफनलाई कर कटाएर ४२२ मिलियन डलर हस्तान्तरण गरे। चिट्ठा व्यवस्थापनले उनको आफ्नी पत्नी ३७ बर्षिय डुआनपेन सेफान र ५५ बर्षिय साथी मिलवाकीकी लाइजा चाओ र उनि सहित एकमुष्ट रूपमा चिट्ठा जितेको घोषणा गरेको छ ।

ओरेगनमा आफ्नो परिवारको लागि आफ्नै लागि घर खरीद गर्ने योजनामा रहेको छ ,उनले भने । उनले जितिसकेपछि पनि चिट्ठा खेल्न जारी राख्ने बताए ।

“म फेरि भाग्यमानी हुन सक्छु,” उनले भने। “म खेलिरहन्छु।” ओरेगन कानून अन्तर्गत बिजेताहरुले आफ्नो नाम गोप्य राख्न मिल्दैन । ओरेगन चिट्ठाका अनुसार पुरस्कार दाबी गर्न अगाडि आएको व्यक्तिको पहिचान घोषणा गर्नु अघि सुरक्षा र परीक्षण प्रक्रियाबाट गुज्रनुपर्ने बताएको छ।

१.३ बिलियन डलरको पुरस्कार इतिहासको चौथो ठूलो पावरबल चिट्ठा हो । ओरेगन चिट्ठाका अनुसार अमेरिकी चिट्ठा खेलहरूमध्ये आठौं ठूलो हो।

सन् २०२२ मा क्यालिफोर्नियामा भएको सबैभन्दा ठूलो अमेरिकी चिट्ठा २.०४ बिलियन डलर रहेको थियो ।