मेक्सिकोका एक पत्रकार आफ्ना छोरीहरूलाई बिद्यालय लैजाँदा अपहरणमा परि मारिएका छन्।

मेक्सिकोका पत्रकारहरूले मोरेलोसको दक्षिणी राज्यमा आफ्ना एक सहकर्मीको हत्या भएको एक दिन पछि गत शनिबार विरोध प्रदर्शन गरे। उनीहरूले यस मुद्दाको पारदर्शी अनुसन्धानको माग गरे र पत्रकारहरूको लागि विश्वको सबैभन्दा घातक देश मेक्सिकोमा समाचारकर्मीहरूले सामना गर्ने खतराहरूप्रति क्रोध व्यक्त गरे।

स्थानीय राजनीति समाचार सम्प्रेषण तथा समाचार संकलन गर्ने र व्यंग्यात्मक श्रब्यदृश्य (भिडियो)हरू मार्फत सामाजिक सञ्जालक प्रसिद्ध पत्रकार रोबर्टो फिगुरोआको हत्याको विरोधमा प्रदर्शनमा दर्जनौं सहभागी भए।

गत शुक्रबार बिहान बेपत्ता भएपछि उनी मेक्सिको शहरको दक्षिणी राज्य मोरेलोसको हुइजिलाकमा एउटा निजी गाडी (कार) भित्र मृत फेला परेका थिए ।

उनी यस वर्ष मेक्सिकोमा मारिने पहिलो पत्रकार थिए, जुन पश्चिमी गोलार्धमा पत्रकारहरूका लागि सबैभन्दा खतरनाक देश हो ।

प्रेस स्वतन्त्रता संगठनको धारा १९ ले अधिकारीहरूलाई छानबिन गर्न माग गरेको छ । मेक्सिकन अभियोजकहरूले गम्भीर अनुसन्धानको वाचा गरेका छन् र मोरेलोस राज्य सरकारले हत्याको कडा निन्दा गरे।

मेक्सिको शहरबाट करिब ४३ माईल टाढा रहेको हुइजिलाकमा रहेका आफ्ना छोरीहरूलाई विद्यालयमा लैजाने क्रममा फिगुरोआलाई बन्दुकधारीहरूले अपहरण गरेको मेक्सिकन श्रब्यदृश्य (मिडिया)मा बताईएको छ ।

अपहरणकर्ताहरूले उनको परिवारलाई फिरौती मागेका थिए तर फिगुरोआकी श्रीमतीले भुक्तानी दिए तापनि उनको हत्या गरिएको सिविसन्यूजले समाचार लेखेको छ ।