खैरिफाँटा , कैलाली । आफ्ना हजुरबुबा  गगनसिंह थापा  संस्थापक प्रधानाध्यापक रहनु भएको जानकी गाउपालिका वडा न ९,  खैरिफाँटा, कैलाली  स्थित अरुणोदय माध्यमिक विद्यालयका ३३ जना बिपन्न परिवारका जेहेन्दार  विद्यार्थीहरुलाई उहाँको  स्मृतिमा नाति सुहिम थापाले विद्यालयको न्यानो पोशाक सहयोग गर्नुभएको छ । 

उनका जेठा हजुरबुबा  शेरबहादुर थापाले आज विद्यालयमा आयोजित एक बिशेष कार्यक्रममा उक्त पोशाकहरु विद्यालयको छनोट र सिफारिसमा  बिपन्न परिवारका ३३ जना जेहेन्दार विद्यार्थीहरुलाई  हस्तान्तरण गर्नु भएको हो ।

कार्यक्रममा विद्यालयका प्रधानाध्यापक कपिलराज भाट , शिक्षक इन्द्रबहादुर थापा, रुपा भण्डारी, विद्यालय  संस्थापनकालका विद्यार्थी तथा अभिभावक झपट बि.क.लगाएत शिक्षक , विद्यार्थीहरुको उपस्थिति रहेको थियो । 

  बि. सं. २०२९ मा अछामबाट खैरिफाटाँ आई  स्थानीय अभिभावकको अनुरोधमा  पहिलो शिक्षक र प्रधानाध्यापकको रुपमा स्वर्गीय गगनसिहं थापाले उक्त बिधालयको प्रारम्भ  गर्नु भएको थियो । 

प्रशिद्द साहित्यकार  समेत रहेका थापाका कर्णालीका छेउछाउ , पुर्खाको चिठी , महाप्रलय,  अस्ताचलको ढोकाबाट   , मेरा गाउँको खडक्या मन्त्री लगाएत नौ वटा कृतिहरु प्रकाशित भइ सकेका छन । उनको पहिलो  संयुक्त लेखनको  कृति सोह्र सौगात बिधालयमा अध्यापनरत रहँदा नै बि. सं. २०३५ सालमा प्रकाशन भएको थियो । 

संस्थापक प्रधानाध्यापक गगनसिहं थापाको स्मृतिमा पोशाक सहयोग गर्नु हुने  उनका ज्येष्ठ नाति सुहिम थापा हाल क्यानडामा अध्ययनरत छन ।