अमेरिकाको मेरिल्याण्डमा गाडी चोरेर भाग्ने महिलालाई पछ्याउने क्रममा दुई अन्य गाडीको ठक्करबाट महिलाको मृत्यु भएको छ ।

मेरिल्याण्डको अक्सन हिल शहरमा गत शनिबार कारज्याक(जबर्जस्ती लुटपाट चोरी) गरिएको गाडी ठोक्किएपछि अन्तरराज्य -९५ पार गर्ने प्रयास गर्दा एक महिलाको मृत्यु भएको छ ।

मेरिल्याण्ड महान्यायाधिवक्ताद्वारा जारी प्रेस विज्ञप्ति अनुसार प्रहरी अधिकारीहरूले साँझ ७:५८ बजे अक्सन हिल सडकको ६००० भवन समूहमा रहेको किनमेल पसल (शपिङ सेन्टर)को अडान क्षेत्र (पार्किङ)मा चोरी गरिएको गाडी फेला पारे।

प्रहरीका अनुसार त्यसपछि एक महिला गाडीमा चढिन् र गाडी चलाउन थालिन् । प्रिन्स जर्ज काउन्टी प्रहरी, फरेस्ट हाइट्स प्रहरी र एडमनस्टन प्रहरी विभागका अधिकारीहरूले गाडी रोक्ने प्रयास गरे।

रोक्न असफल भएपछि महिला पार्किङको पछाडि ठोक्किइन्। उनी गाडीबाट निस्किइन् र पैदलै अन्तरराज्य ४९५ पार गर्ने प्रयास गरिन् ।अन्तरराज्य पार गर्ने प्रयास गर्दा महिलालाई प्रहरीको संलग्न नभएका दुई सवारी साधनले ठक्कर दिए। उनलाई घटनास्थलमै मृत घोषित गरियो।

प्रहरीका अनुसार दुई सवारी साधनमा रहेकाहरू घाइते भएनन् । अनुसन्धानकर्ताहरू नआउँदासम्म उनीहरु घटनास्थलमै रहेका थिए ।

मेरील्याण्ड व्यक्तिगत अनुसन्धान विभाग (आईआईडि )तथा मेरील्याण्ड राज्य प्रहरी दुर्घटना टोलीले टक्करको अनुसन्धान गरिरहेका छन्।