विस्कन्सिन सर्वोच्च अदालतको चुनावमा उदारवादी उम्मेदवार सुसान क्रफोर्ड विजयी भएकी छन्, जसले राज्यको सर्वोच्च अदालतमा उदारवादीहरूको बहुमत कायम राखेको छ। इलन मस्कको पराजित भएको छ ।

डेन काउन्टीकी सर्किट अदालतकी न्यायाधीश क्रफोर्डले वौकेशा काउन्टीका सर्किट अदालत न्यायाधीश तथा पूर्व रिपब्लिकन महान्यायाधिवक्ता ब्राड शिमेललाई पराजित गरिन्।

यो चुनाव ७३ वर्षीय न्यायाधीश एन वाल्श ब्राडलीको स्थान पूर्ति गर्न भएको थियो, जसले एक वर्षअघि नै अवकाशको घोषणा गरेकी थिइन्। यो प्रतिस्पर्धा इलन मस्कको प्रभावको जनमत सङ्ग्रहका रूपमा पनि हेरिएको थियो किनकि उनले शिमेललाई समर्थन गर्दै लाखौँ डलर खर्च गरेका थिए।

क्रफोर्ड र शिमेलबीच श्रमिक अधिकार, गर्भपतन पहुँच, र राष्ट्रपति डोनाल्ड ट्रम्पका जनवरी ६ सम्बन्धी क्षमादानजस्ता विषयमा स्पष्ट विचारधारात्मक भिन्नता थियो। पूर्व राष्ट्रपति बाराक ओबामा लगायतका डेमोक्र्याट नेताहरूले क्रफोर्डलाई समर्थन गरेका थिए, जबकि ट्रम्पसहित अधिकांश रिपब्लिकनहरूले शिमेललाई समर्थन गरेका थिए।

यो अमेरिकी इतिहासकै सबैभन्दा महँगो न्यायिक चुनाव बन्यो । जसमा दुवै पक्षका ठूला दाताहरूले करोडौँ डलर खर्च गरे।

क्रफोर्डको जीतले विस्कन्सिनमा गर्भपतन अधिकार र मतदान अधिकारजस्ता संवेदनशील मुद्दाहरूमा टाढासम्म असर पार्ने अपेक्षा गरिएको छ।