अमेरिका विरुद्ध चीनले ३४% आयात महसुलको घोषणा गरेको छ ।

चीनले शुक्रबार घोषणा गरेको हो । चीनले आगामी अप्रिल १० देखि अमेरिकाबाट हुने सबै प्रकारका आयातमा ३४ प्रतिशतको प्रतिशोधस्वरूप महसुल लगाउनेछ।

यो निर्णय अमेरिकाले लगाएको व्यापारिक प्रतिबन्धको जवाफस्वरूप आएको हो। चिनियाँ सरकारका अनुसार, अमेरिकी सामानहरूमा यस्तो महसुल लगाउनु पर्ने बाध्यता उत्पन्न भएको छ, जसको उद्देश्य राष्ट्रिय हितको संरक्षण गर्नु हो।

यस कदमले अमेरिका र चीनबीचको व्यापारिक तनावलाई थप चर्काउने अनुमान गरिएको छ। पछिल्ला महिनाहरूमा दुई देशबीचको आर्थिक सम्बन्धमा तिक्तता बढ्दै गएको छ । विशेष गरी प्रविधि, कच्चा पदार्थ, र कृषि क्षेत्रका सामानहरूको आयात-निर्यातलाई लिएर सम्बन्ध खराव हुदै गएको छ ।

चिनियाँ वाणिज्य मन्त्रालयका एक प्रवक्ताले भने “हामी वार्तामार्फत समाधान चाहन्छौं, तर यदि अमेरिका एकपक्षीय रुपमा नोक्सान गर्ने निर्णयहरू लिन्छ भने, चीन चुप लागेर बस्दैन।”

यस घोषणापछि अमेरिकी बजारमा केही प्रभाव परेको देखिएको छ । विशेषतः कृषि उत्पादन र औद्योगिक उपकरणहरूका लागि चीन अमेरिकाको एक प्रमुख निर्यात गन्तव्य हो ।

विश्लेषकहरूले दुवै देशलाई वार्ताको माध्यमबाट समाधान खोज्न सुझाव दिइरहेका छन् ।