चिनियाँ राष्ट्रपति शी जिनपिङले भियतनाम, मलेसिया र कम्बोडिया भ्रमण गर्ने भएका छन् । 

उक्त भ्रमण अमेरिकी राष्ट्रपति डोनाल्ड ट्रम्पले दक्षिणपूर्वी एसियाका देशहरूलाई लक्षित गरी ठूला “पारस्परिक” शुल्क घोषणा गरेको केही समयपछि हुन लागेको हो।

चीनको परराष्ट्र मन्त्रालयका अनुसार शी जिनपिङको भ्रमण आगामी अप्रिल १४ देखि १८ सम्म हुनेछ। यो सन् २०२५ मा उनको पहिलो विदेशी भ्रमण हो भने विस्तृत कार्यक्रम भने अझै सार्वजनिक गरिएको छैन।

गत हप्ता राष्ट्रपति ट्रम्पले भियतनाममा ४६ प्रतिशत, कम्बोडियामा ४९ प्रतिशत र मलेसियामा २४ प्रतिशत “पारस्परिक” ट्यारिफ (शुल्क) लगाउने घोषणा गरेका थिए। 

यद्यपि, बुधबार उनले ती शुल्क ९० दिनका लागि स्थगित गर्ने घोषणा गरे।

यी शुल्कहरू “पारस्परिक” भन्ने आधारमा तय गरिएका थिए, जसअनुसार भियतनाम र कम्बोडियाले अमेरिका सँगको व्यापारमा ठूलो नाफा गरेका कारण उनीहरूलाई सबैभन्दा बढी असर पर्ने बताइएको थियो। 

विज्ञहरूका अनुसार यी शुल्कहरूले यी दुई देशहरूका लुगा र जुत्ताजस्ता सामान उत्पादन गर्ने उद्योगहरूमा गम्भीर क्षति पुर्‍याउने थिए।

ट्रम्पको पहिलो कार्यकालमा चीनमाथि लगाइएको शुल्कपछि धेरै अन्तर्राष्ट्रिय ब्रान्डहरू चीनबाट भियतनामजस्ता छिमेकी मुलुकहरूमा उत्पादन सरेका थिए, सस्तो श्रम र अमेरिका-चीनबीचको बढ्दो तनावबाट जोगिन।

चीनले पछिल्ला वर्षहरूमा आफ्नो स्वतन्त्र व्यापारप्रतिको प्रतिबद्धता देखाउँदै व्यापार साझेदारहरूलाई सक्रिय रूपमा आकर्षित गरिरहेको छ ।

 ट्रम्प प्रशासनले आफ्ना निकट मित्र राष्ट्रहरूलाई समेत शुल्कको चेतावनी दिइरहेको बेला।