अमेरिकी विदेश सचिव मार्को रुबियोले सामाजिक संजाल एक्स (पूर्व ट्विटर) मार्फत एमएस -१३ र ट्रेन दे आरागुवा जस्ता विदेशी आतंकवादी समूहसँग सम्बन्धित थप १० आपराधिक आप्रवासीहरू एल साल्भाडोरमा पुगेको जनाएका छन् ।

यो कदम राष्ट्रपति डोनाल्ड ट्रम्प र एल साल्भाडोरका राष्ट्रपति नायिब बुकेले बीचको सुरक्षा साझेदारीको हिस्सा भएको जनाइएको छ। दुबै नेताहरू सोमबार ह्वाइट हाउसमा भेटघाट गर्न लागेका छन्, जसलाई रुबियोले “हाम्रो महाद्वीपको सुरक्षा र समृद्धिको उदाहरण” भनेका छन्।

ट्रम्प प्रशासनले सयौं आप्रवासीहरूलाई गिरोह सदस्य भन्दै निर्वासित गर्दै आएको छ। यद्यपि उनीहरूका नाम वा प्रमाण खुलाइएको छैन, जसका कारण मानवअधिकार संगठनहरू, कानुनी चुनौतीहरू, र पीडित परिवारहरूबाट आलोचना भइरहेको छ। आलोचकहरू भन्छन्, “यो प्रशासनले नागरिक स्वतन्त्रता माथि आक्रमण गरिरहेको छ।”

सिएनएनसँग कुरा गर्ने दुई अमेरिकी अधिकारीका अनुसार अमेरिकी सर्वोच्च अदालतको पछिल्लो आदेशपछि ट्रम्प प्रशासनले युद्धकालीन अधिकार प्रयोग गर्दै थप आपराधिक कीर्तिमान भएका आप्रवासीहरूलाई एल साल्भाडोरको कुख्यात झ्यालखानामा पठाउने तयारी गरिरहेको छ। विशेषगरी आपराधिक गिरोहमाथि कठोर कदम चाल्ने विषयमा ट्रम्प र बुकेलेबीचको सहकार्यलाई अझै सुदृढ बनाएको देखिन्छ ।