इटालियन प्रधानमन्त्री जर्जिया मेलोनी ह्वाइट हाउसमा राष्ट्रपति डोनाल्ड ट्रम्पसँग भेटका लागि पुगेकी छन्। दुई नेताबीच व्यापार, आप्रवासन र युक्रेन युद्ध अन्त्यजस्ता महत्वपूर्ण विषयहरूमा छलफल हुने अपेक्षा गरिएको छ।

पत्रकारले इटालीसँग व्यापार सम्झौता गर्ने विषयमा कति आत्मविश्वासी हुनुहुन्छ भनेर सोध्दा, ट्रम्पले “अत्यन्त आत्मविश्वासी” भनेर संकेत गरे।

द्विपक्षीय बैठकमा ट्रम्प प्रशासनका अधिकारीहरूका अनुसार, मेलोनीलाई युरोपेली संघसँग समन्वय गर्न सक्ने “महत्वपूर्ण संवादकर्ता” का रूपमा लिइएको छ। यी विषयहरूमा व्यापार सम्झौता, आप्रवासनको रणनीति, र युक्रेन युद्ध अन्त्यका उपायहरू समावेश छन्।

मेलोनीले विशेष गरी व्यापार र शुल्क सम्बन्धी मुद्दामा ट्रम्पसँग जोडदार छलफल गर्ने बताइएको छ। इटाली र अमेरिकाबीच व्यापार असन्तुलन, र पूर्व ट्रम्प प्रशासनले लगाएका केही शुल्कहरू फिर्ता गर्ने सम्भावना समेत छलफलमा आउनसक्ने जनाइएको छ।

एक अधिकारीका अनुसार, “राष्ट्रपति ट्रम्प यो विषयलाई अत्यन्त गम्भीरताका साथ लिने भएको र ह्वाइट हाउस “सम्झौता गर्न तयार” रहेको छ। यो भेट दुई राष्ट्रबीचको रणनीतिक साझेदारीलाई नयाँ उचाइमा पुर्‍याउने प्रयासको रूपमा हेरिएको छ।