अमेरिकाको नेब्रास्का प्लाट नदीमा सानो विमान खस्दा तीन जनाको ज्यान गएको छ। प्रहरीका अनुसार ती सबै मृतकको शव नदीबाट निकालिएको छ।

डज काउन्टी शेरिफ कार्यालयका अनुसार विमान फ्रेमन्टको दक्षिणतर्फ प्लाट नदीसँगै उडिरहेको अवस्थामा शुक्रबार राति दुर्घटनाग्रस्त भई नदीमा खसेको हो।

“विमानमा सवार तीनै जनाको शव निकालिएको छ र उनीहरू मृत घोषणा गरिएका छन्,” कार्यालयले जनाएको छ। “पहिचान सार्वजनिक गर्नु अघि उनीहरूको आफन्तलाई जानकारी गराइनुपर्ने भएकाले हालका लागि नाम गोप्य राखिएको छ।”

हाल दुर्घटनाको कारण स्पष्ट भइसकेको छैन। संघीय उड्डयन प्रशासन र राष्ट्रिय यातायात सुरक्षा समिति बोर्डले अब अनुसन्धानको जिम्मा लिएका छन्।

डज काउन्टी शेरिफ कार्यालयले नागरिकलाई आग्रह गर्दै भनेको छ, “जाँच प्रक्रिया जारी रहेकाले घटनास्थल आसपासको क्षेत्र टाढै रहन अनुरोध छ।”

उक्त दुर्घटना एउटा सानो निजी विमानमा भएको बताइएको छ। स्थानीय अधिकारीहरू र संघीय निकायहरू घटनाको विस्तृत अनुसन्धानमा जुटिरहेका छन्।

पूर्ण विवरण र मृतकको पहिचान केही दिनमा सार्वजनिक गरिने अनुमान गरिएको छ।