अन्तिम संस्कारमा अमेरिकी राष्ट्रपति डोनाल्ड ट्रम्पसहित विश्व नेताहरूको उपस्थिति हुने अपेक्षा

पोप फ्रान्सिस अर्थात् क्याथोलिक ईसाई धर्मको सर्वोच्च धार्मिक गुरुको पार्थिव शरीर सेन्ट पिटरको बासिलिकामा तीन दिनको लागि सार्वजनिक श्रद्धाञ्जलिका लागि राखिएको छ। शनिबार हुने अन्तिम संस्कारमा अमेरिकी राष्ट्रपति डोनाल्ड ट्रम्पसहित विश्व नेताहरूको उपस्थितिको अपेक्षा गरिएको छ।

बुधबार बिहान श्रद्धाञ्जलिपूर्ण शवयात्रमार्फत उनको शरीर कासा सान्ता मार्ताको गिर्जाघर (च्यापल)बाट बासिलिका ल्याइएको थियो। बासिलिका प्रवेश गर्दा घण्टीहरू बजाइयो र बाहिर उपस्थित श्रद्धालुहरूले ताली बजाएर श्रद्धाञ्जलि अर्पण गरे। मुख्य पादरी केभिन फारेलले छोटो प्रार्थना समारोह गरेका थिए, त्यसपछि पार्थिव शरीर “अल्टर अफ कन्फेसियो” अर्थात् विशेष पवित्र वेदीमा राखिएको थियो – जुन सन्त पिटरको समाधिस्थल अगाडि रहेको पवित्र स्थान हो।

सर्वसाधारणहरु बिहान ११ बजेदेखि मध्यरातसम्म बासिलिकामा प्रवेश गर्न पाएका थिए। बिहीबार र शुक्रबार बासिलिका बिहान ७ बजेदेखि मध्यरातसम्म खुला रहनेछ।

हजारौं श्रद्धालुहरू शान्त मौसममा पंक्तिमा बसेर पालो पर्खिरहेका थिए। सन्त फ्रान्सिस्कोले परम्परागत तीन तहको शवपेटिका हटाएर केवल एक खुला काठको पेटिकामा राख्न आग्रह गरेका थिए ।